«ӘКЕЛЕР БІЗДЕ ҚОНАҚТА» тақырыбындағы онкүндікте «МЕН ЖӘНЕ ӘКЕМ» атты отбасылық спорттық сайыс өткізілді.

Әйтеке би атындағы орта мектептің тәрбие және психологиялық қызмет орталықтарының ұйымдастыруымен «ӘКЕЛЕР БІЗДЕ ҚОНАҚТА» тақырыбындағы онкүндікте «МЕН ЖӘНЕ ӘКЕМ» атты отбасылық спорттық сайыс өткізілді. Спорттық сайысқа 1 «А» сынып оқушылары мен әкелері белсенділікпен қатысты. Сайысты 1 «А» сынып жетекшісі Стаханова Сандугаш пен мектеп педагог-психологы Икежанов Амангали сайыс ережесіне сәйкес жүргізді.

Тақырыбы: Мен және Әкем (Отбасылық спорттық сайыс )
Мақсаты:
 Әке мен баланы қатыстыра отырып, бұл сайыста баланы өмірде белсенді болуға, алға қойған мақсатты орындауға үйрету.
 Қимыл-қозғалыс қабіллетерін дамыту.
 Балаларды шапшаңдыққа,төзімділікке, салауатты өмір салтына тәрбиелеу.
Түрі: Спорттық іс- шара.
Әдіс–тәсілдері: түсіндіру, әңгімелеу, топтастыру, көрсету.
Сайыс барысы

Кіріспе:
Мұғалім: «Мен және Әкем» тақырыбындағы сайыс «Әкелер бізде қонақта!» атты онкүндіктің аясында өткізгелі отырмыз. Бүгін осындай іс-шараға мектебіміздің 1 «А» сынып оқушылары мен әкелері арасында өткелі тұр.
Олай, болса спорт сүйер қауым бүгінгі сайсымызға қош келдіңіздер!
Мұғалім:
Ал, қанекей, қонақтар,
Ортаға назар салайық.
Ойыншылар келеді,
Қол соғып қарсы алайық.
Құрметті көрермендер топтарымызды қошеметпен ортаға шақырайық.
Осы сайысқа үш отбасы қатысқалы тұр.
Олар: Қабанбаевтар отбасы.
Тырнақбаевтар отбасы.
Қуанышбековтер отбасы
Мұғалім:
Ал, құрметті халайық
Жарысып енді көріңдер.
Әділ қаз алқасы
Әділ баға беріңдер.
Сайысымызды бастамас бұрын, сайысымызға әділ баға беретін, әділ қазылар алқасымен таныстырайық.
______________________________________________________________________________________________________________________________________________________________________________________________________Ойынның шарттары:
Бүгінгі спорттық сайыс 5 кезеңнен тұрады.
Ал енді топтарға сәттілік тілейміз. Әр сайыстан кейін әділ қазылар алқасы бағаларын беріп отырады. (5; 4; 3 ұпайлар)

1. «Арқалайын» сайысы. Әкесі баласын арқалап, бір айналым жүгіріп келеді.
2. «Епті қолдар» сайысы. Баласы допты жерге ұрып белгіленген межеге барады, әкесі теннис ракеткасымен шарикті ұра отырып баласына жетеді. Содан соң әкесі мен баласы қол ұстасып қайтадан жүгіріп келеді.
3. «Кенгуру» сайысы. Баласы қапты әкелеріне беріп тұрады, әкелері белгіленген межеге қаппен секіріп барып келеді.
4. «Өрмекші адам» сайысы. Өрмелеу сатысында ілулі тұрған шарды балалар алып түседі, әкелері балаларын қолынан ұстап жүгіріп келеді.
5. «Мергендер» сайысы. Допты баласы әкесіне беріп тұрады, әкелері баскетбол шеңберіне допты 5 рет лақтырып сайысқа түседі. Содан соң әкелері балаларына допты беріп тұрады, балалары 5 рет лақтырып допты салудан жарысады.
Қорытынды:
Мұғалім:
Жарыс заңы ежелден,
Жеңімпазды анықтау
Жеңімпаз болу шарты сол,
Еңбектену, жалықпау
Біреу озса сайыста
Біреу артта қалады
Жеңілгендер ренжімей,
Тараса бізге жарады,- деп сөз кезегеін әділ қазыларға береміз.
____________________________________________________________________________________________________________________________________
Мұғалім:
Құрметті қонақтар!
Салауатты өмір салтын қолдаймыз,
Жамандықтан жанымызды қорғаймыз.
Денсаулықты жанымызға серік қып,
Болашаққа аманат қып жолдаймыз.
«Мен және Әкем » отбасылар сайысына қатысқандарыңызға көп-көп рахмет!